出發!行去「山卡啦」搵食

銅鑼灣最近有一新店,名「山旮旯」,讀音「山卡啦」,新派港式餐廳,概念獨特,既賣咖啡又有手工啤,且幾乎二十四小時營業!Chur到咁盡,全因餐廳顧名思義,地點隔涉,位於銅鑼灣、跑馬地及灣仔三地交界,早午晚時段都人流疏落,要突圍而出,唯有處處多花心思。像裝潢,以文字霓虹燈飾配卡板木製桌椅,大玩港式風味,木椅更用噴漆噴上粵語單字,可組合成不同詞彙,搞鬼有趣。

裝潢做得好,食物也不能差。餐廳食物款式不多,但功夫尚算紮實。馬拉蜆熱鍋配炸薯條,湯底以白酒做base,微帶酒香,蜆肉鮮爽無沙,粗薯條惹味之餘份量十足,佐酒必備。但如喜好蘸湯汁,薯條也可轉蒜蓉包或意粉,配搭多變。

卡邦尼意大利麵,簡單美味的一道菜式,意粉煮得al Dante,醬汁稠而不膩,配少量火腿及香草調味,入口香濃不單調。

店中提供多款手工啤,也有一系列佐酒小食,如這款香脆椒鹽魷魚就做得出色,即點即炸,鹹香可口有韌勁,配自家調配的蛋黃醬,令人吃不停口。

再點一杯本地口味的少爺麥啤,呷一口,清爽暢快,Happy Friday Night! 餐廳晚市設有水煙,定價也比同區其他餐廳相宜,百足咁多爪,無非都是為了開拓客源,提高競爭力。餐廳最亮眼的霓虹燈「跑馬射蚊鬚」,是廣東話歇後語,意指難度極大,成功率極低,也許正是餐廳的寫照。但未試過,又豈會知結果?