工廠區的法國星星餐廳

觀塘工廠區近年改變很多,不少有型、高格調的餐廳進駐,就連這間來自法國的一星米芝蓮餐廳 BriKetenia 來選擇這區開店,當然要試一試。
出發前先在網上看過法國總店的資料,裝潢充滿法式的優雅又明亮,所以當來到觀塘店,實在有點失望,布置以銅調為主,配襯藍色弧形梳化椅,加上黃黃的燈光,感覺很昏暗,casual是causal,卻完全感受不到米芝蓮的格調。

打開餐牌,選擇不算太多,不過價錢比想像中合理,主菜都是二百多有交易,唔想諗的話可以揀Tasting Menu,五道菜連餐前小食才$568。先來頭盤法國生牛肉他他,用的是澳洲牛柳,切成細粒同時不失口感,拌勻法國蛋黃吃,好香滑,調味恰到好處,不會搶去牛味,底層是蘋果及牛油果,很清爽的配搭。

另一道焦糖鵝肝醬,餐廳大廚的拿手菜,賣相如甜品 Creme Brulee,食落亦似足creme brulee咁滑,帶鵝肝的甘香,面頭的脆糖加了罌粟籽,更覺香脆,鹹甜味道很平衡,有驚喜。

反而甜品就麻麻地,點了法式朱古力泡芙配雲呢拿雪糕,據說是法國店的招牌甜品,簡單來說就是朱古力泡芙夾雲呢拿雪糕,再淋上熱朱古力醬,味道也是意料之內,朱古力味幾濃,但說不出特別之處。
如果想輕鬆吃一頓美味西餐其實也ok的,但如果想來體驗米芝蓮水準,就可能滿足不了。