排長龍鋸扒,典解嘅?

近日已被牛扒及豬扒造型雪糕洗版,人人在談論元朗一家店子,在手機先食的年代突圍而出!走在潮流尖端的我,當然九秒九去看個究竟。雖然元朗地膽帶路,門牌也頗難找,拐了一個圈,看見門口推著的人龍,就知道沒錯了。

下午三四點的時間,店子雖然只有十多個位,不過流轉快,不用半小時可入座,聽講晚飯時間八九點要排上一至兩小時,而附近並無店舖及商場行逛,實在沒這耐性。甫座下,「雪糕嚟架?典解嘅?」「嘩!好犀利呀!」之尖叫聲不絕於耳,差不多每枱都點牛扒。

就如花園餐廳一樣,牛扒以鐵板奉上,本能地拉起餐巾遮擋油煙,不過卻是乾冰製造的煙霧效果,加分!沒有生熟呈度選擇,以專業牛扒刀切開,朱古力雪糕內有士多啤梨雪糕,呈現「medium」的粉紅色,配菜有西多士(脆薯餅)、烤香蕉(薯條)、粒粒士多啤梨及奇異果(雜菜),像真度非常高!

另外點了漢堡包,燕麥麵包烘熱再夾著朱古力及雲呢拿雪糕,配上吉士及朱古力醬,以牛油酥條扮薯條,味道不錯。

十多款雪糕,以菠蘿包及馬騮搣口味最突出,同樣以煙霧效果出場,影相夠靚;馬騮搣滲出清香茶味,不太甜,灑上早餐脆片,很喜歡。下次要試埋炸豬扒,聽講比牛扒更好味呢!