富貴粥麵館

假日走到淺水灣鬆一鬆,發現多了很多特色餐廳,這次就選了這間粥粉麵飯,餐廳是開放式設計,裝潢摩登得來又滲出懷舊味道,最正是可以一邊食雲吞麵,一邊眺望淺水灣怡人景色,開揚舒適。

餐牌選擇很多,由麵、粥品、燒味飯、小炒、小食都有,不過價錢一點也不便宜,一碗粥麵要成六七十元,幸好食物質素有水準,而且茶葉用上福茗茶莊貨色,桌面又擺有余均益辣椒醬,細節做得一絲不苛。

酥炸蜆蚧鯪魚球,即叫即炸,上桌時粒粒脹卜卜又熱辣辣,咬落好彈牙,混入了果皮,魚味濃而不腥,蜆蚧自家調校過,沒有一般的鹹。

見有一般麵店少有的豬雜麵,就叫來試試,有豬腰豬潤豬粉腸豬肚及肉丸,全部洗得很乾淨,不會有豬臭味,火侯也剛好,豬腰爽脆,豬潤粉嫩,但略嫌切得太大塊,有點難咬,麵條夠彈牙,可惜鹼水味太重。蝦多士可以不試,$78只得四小件,味道普通,也有點油膩。

大力推介自家製脆麻花,口感超鬆化又富蛋香,連芝麻及糖漿吃,甜香不膩,好味到可以獨自幹掉一碟呢!